Einbýlishús

Límtré Vírnet býður upp á stöðluð einbýlishús á hagkvæmu verði, úr íslenskri framleiðslu. Húsin eru byggð úr límtrésburðarvirki og klædd með steinullareiningum sem bæði einangra og klæða bygginguna á sama tíma. Útveggir eru klæddir með fallegri álklæðningu sem hægt er að fá í fjölbreyttum litum. Með fylgja hurðir, gluggar og festingar sem þarf til að reisa bygginguna fljótt og örugglega.

Heimalundur

Heimalundur er 155 fm staðlað einbýlishús hannað með heimilið í huga. Þar eru þrjú svefnherbergi, björt stofa og eldhús, bílskúr, þvottahús og geymsla – rými sem skapa góðan grunn að daglegu lífi fjölskyldunnar.

Húsið er reist úr límtré og steinullareiningum og klætt með áli. Þessi byggingaraðferð gerir framkvæmdina fljótlega, einfaldari og vel skipulagða.

Efnisvalið er jafnframt með framtíðina í huga. Límtréið er svansvottað og bæði límtré og steinullareiningar eru umhverfisvæn byggingarefni með lágt umhverfisspor.