Steinullareiningar

Steinullareiningar eru stálsamlokueiningar með steinullareinangrun sem henta í flestar gerðir bygginga, frá smáhúsum og einbýlishúsum til stærri bygginga á borð við geymslur, reiðhallir og iðnaðarhús. Einingarnar eru fullfrágengnar með stáli á báðum hliðum og fást með mismunandi yfirborðsáferð og í ýmsum litum.

Grátt og rautt hús úr steinullareiningum í Borgarnesi

Einföld en öflug lausn

Steinullareiningar eru einnig notaðar í milliveggi og loft, í mörgum tilfellum geta þær staðið án burðargrindar innanhúss sem leiðir til einfaldari lausna.

Einingarnar hafa háa brunamótstöðu, halda hitanum inni og kuldanum úti, ásamt hljóðmengun, vindi og veðrum.

Einingarnar eru líka myglulausar og endingargóðar og einstaklega hagkvæmar miðað við svipaða kosti.

Einingarnar eru klæddar með GreenCoat® sem er níðsterk og umhverfisvæn stálklæðning.

Hannað eftir þínum þínum þörfum og stöðlum

Hjá Límtré Vírnet sér öflug hönnunardeild um að leggja inn teikningar fyrir límtrés burðarvirki til byggingarfulltrúa og skrifar hún upp á það. Sama er það með einingarnar frá fyrirtækinu en Límtré Vírnet teiknar einingarnar utan á húsið, sér um allan deili frágang og framleiðir alla íhluti og áfellur.

Einingarnar eru framleiddar hér á landi í okkar eigin einingarverksmiðju á Flúðum. Þar er 100 metra löng framleiðslulína þar sem einingarnar eru límdar, skornar og aðlagaðar að þörfum hvers viðskiptavinar.

Steinullareiningar í vinnslu — Steinullareiningar í verksmiðju Límtré Vírnets á Flúðum

SF Sléttar einingar

Hægt er að fá einingarnar í fjölmörgum þykktum sem auka einangrunargildi og burðarþol.

Heiti	K-gildi W/m² C	Þykkt mm	Þyngd kg/m²
SF-63	0.58	63	17
SF-82	0.45	82	20
SF-105	0.36	105	22
SF-129	0.30	129	25
SF-167	0.23	167	30
SF-196	0.20	196	33

ST Trapisueiningar

Einingarnar er líka hægt að fá í trapisueiningum en slíkar einingar eru frábærar á þök eða útveggi þar sem trapisan eykur burðarþol.

Heiti	K-gildi W/m² C	Þykkt B mm	Þykkt A mm	Þyngd kg/m²
ST-107	0.52	63	107	19
ST-126	0.42	82	126	21
ST-149	0.33	105	149	24
ST-173	0.28	129	173	27
ST-211	0.22	167	211	31
ST-240	0.19	196	240	35

Hægt er að velja um alla liti sem GreenCoat býður upp á

Litir í boði

Tækniupplýsingar

Málsettar teikningar af einingum