Bárujárn er framleitt í verksmiðju Límtré Vírnet í Borgarnesi. Báruformið kallast 18/76, sem þýðir að hæðin á bárunni er 18mm og breidd hverrar báru er 76 mm. Bárujárnið er bæði hægt að nota til klæðningar á loft og veggi og bæði innanhúss og utan. Þegar klæða skal veggi er hægt að nota báruplötur bæði sem lárétta og lóðrétta klæðningu (standandi eða liggjandi).
Þegar járn er fest á þak er mælt með að nota 12-14 festingar (þaksaum eða skrúfur) á hvern fermetra. Ef bárujárn er notað til að klæða á veggi eru notaðar 10-12 festingar á fermetra.
ATH: Ekki er ráðlagt að nota aluzink á óeinangruð gripahús
| Efni | Stál |
| Þykkt | 0,5 – 0,6 mm |
| Ómálað | Aluzink – galvaniserað |
| Litað/húðað | Polyester, Plastisol, Green Coat ProBT |
| Efni | Ál |
| Þykkt | 0,7 – 1,0 |
| Litað/húðað | PVDF |
Í blikksmiðju okkar eru framleiddir fylgihlutir og áfellur til notkunar við þak- og utanhússklæðningar. Talsvert úrval staðlaðra fylgihluta er í boði auk þess sem mikið er smíðað af sérsmíðuðum fylgihlutum eftir teikningum frá viðskiptavinum. Á öðrum stað á síðunni okkar (sjá hnapp hér að neðan) má finna teikningar af margskonar áfellum sem er hægt að nota við hugmyndavinnu og undirbúning utanhússklæðninga, ennfremur má prenta þær út eða senda beint í tölvupósti til að panta hjá okkur.
Sem dæmi um fylgihluti fyrir veggklæðningar má nefna út- og innhorn í nokkrum útfærslum, skipti- og dropalista, vatnsbretti og fleira. Fylgihlutir þakklæðninga eru m.a. kjölur og ýmsar gerðir af kantáfellum. Ennfremur flytjum við inn þakrennur og niðurföll frá Lindab.
