Nýjar áfelluteikningar
Betri, nákvæmari og einfaldari
Fyrir nokkrum dögum kynntum við til sögunnar nýjar áfelluteikningar sem hafa verið þróaðar með það að markmiði að einfalda og bæta pöntunarferlið. Með skýrari upplýsingum og sjálfvirkum útreikningum verður ferlið bæði hraðvirkara og áreiðanlegra fyrir alla sem koma að því. Teikningarnar eru skýrar og auðveldar í notkun og koma í veg fyrir tæknileg vandamál í pöntun, sölu og framleiðslu.
Pöntunarskjölin reikna út ýmis gildi sjálfkrafa og gefa notendum fái skýr skilaboð þegar eitthvað þarf að laga. Nýju teikningarnar eru hannaðar með notandann í huga , bæði viðskiptavininn og framleiðslu aðila en með því að samræma upplýsingagjöf þeirra á milli er hægt að tengja verkferla betur saman, sem auðveldar alla vinnslu og minnkar hættu á mistökum.
Sjálfvirkur útreikningur
Skjölin reikna breiddir á efni sjálfkrafa, sem þýðir að hvorki viðskiptavinur né sölumaður þarf að stunda handvirka útreikninga. Þetta tryggir að allar teikningar eru uppfærðar með réttum stærðum og kemur í veg fyrir mannleg mistök sem oft geta komið upp við handvirkt ferli.
- Notandinn fyllir einfaldlega inn lengdir þar sem við á, og samanlagður útflatningur er reiknaður um leið.
- Sjálfvirkni í þessum útreikningum eykur nákvæmni og tryggir rétt gögn fyrir framleiðslu.
- Minnkar líkur á mistökum og gerir allt ferlið skilvirkara.
Sjálfvirkar athugasemdir
Í nýju teikningunum er innbyggð virkni sem varar notendur við ef sett eru inn ómöguleg stærðargildi. Þessi eiginleiki tryggir að villur eru leiðréttar strax í stað þess að koma upp síðar í framleiðsluferlinu, sem sparar bæði tíma og kostnað.
- Ef reynt er að skrá áfellu sem er of löng eða breið miðað við framleiðslutakmarkanir, birtast strax ábendingar um hvað þarf að laga.
- Skjölin aðstoða við að halda öllum stærðum innan ramma og minnka þörf á leiðréttingum eftir á.
- Þetta hjálpar einnig við samræmingu í framleiðsluferlinu og tryggir að engar óþarfa breytingar séu gerðar eftir að teikningar hafa verið staðfestar.
Skýrt og samræmt útlit
Uppsetning teikninga hefur verið endurbætt til að gera þær skýrari og auðveldari í túlkun. Þetta eykur skilning á teikningunum og dregur úr villum í pöntunarferlinu.
- Teikningarnar eru samræmdar við Bendex-kerfið sem er notað til að hanna áfellur og klæðningar, sem tryggir betri yfirsýn og einfaldara framleiðsluferli.
- Með samræmingu er tryggt að allir notendur, hvort sem þeir starfa í sölu, framleiðslu eða hönnun, séu með sama skilning á gögnum og útreikningum.
- Einfaldara og hreinna útlit auðveldar notendum að finna þær upplýsingar sem skipta máli.
Áframhaldandi þróun
Nýju teikningarnar eru þróaðar með það fyrir augum að bæta pöntunarferlið og tryggja nákvæmni í öllum skrefum þess. Þetta kemur ekki aðeins söluaðilum og viðskiptavinum til góða, heldur hefur einnig jákvæð áhrif á framleiðsluferlið þar sem allar forsendur eru skýrar frá upphafi. Þessar breytingar eru hluti af lengra þróunarferli, og við viljum tryggja að þær mæti þörfum allra notenda.
Við erum opin fyrir ábendingum og hugmyndum um frekari úrbætur. Ef þú hefur einhverjar athugasemdir eða tillögur, má senda þær á Sala@limtrevirnet.is.
