Í samstarfi við timburvinnsluna Derix GmbH í Þýskalandi býður Límtré Vírnet upp á einingar úr krosslímdum viði.  Einingarnar eru, eins og nafnið gefur til kynna, byggðar upp úr þrem, fimm, sjö eða fleiri (alltaf oddatala) lögum að viði sem lögð erum á víxl og límd saman.  Þannig fæst létt en sterkt hráefni sem nota má við margvíslegar aðstæður.  Veggir, þök, gólfplötur, lyftu- og stigahús, í íbúðar- eða iðnaðarhúsnæði, inni sem úti.  Einingarnar eru fáanlegar í nokkrum viðartegundum, s.s. greni, furu, lerki og fleiri tegundum.  Þær geta þannig leyst af hólmi önnur byggingarefni á einfaldan og árangursríkan hátt og bjóða upp á nýja möguleika bæði hvað varðar burðarþolshönnun og útlit.

Byggingadeild Límtrés Vírnets gerir tilboð í margvísleg verkefni, burðarþols- og útlitshönnun, og með þessum nýja valkosti fjölgar möguleikum sem í boði eru hvað varðar efnisval.

Nánari upplýsingar veita sölu- og tæknimenn hjá Límtré Vírneti.

SÍMI

412-5380

NETFANG

sala@limtrevirnet.is

Umhverfisvænn kostur

Viður er auðlind sem endurnýjast stöðugt.  Timbrið sem Derix notar í sinni framleiðslu kemur úr sjálfbærum Evrópskum skógum.  Orkunotkun við framleiðsluna er lítil og vegna stuttra flutningsleiða er kolefnisfótspor lágt og umhverfiáhrif lítil.

Myndband um uppsetningu og byggingu einingahúss úr krosslímdum einingum.
Stutt myndband um framleiðslu krosslímdra eininga hjá Derix.

Nánari upplýsingar má finna á heimasíðu Derix