Framleiðslugæði

Fjalaþykktir eru 33,3 mm og eru staðalhæðir margfeldi þar af.

Fyrirtækið framleiðir límtré í styrkleikaflokki GL30c samkvæmt ÍST/EN 14080:2013 og er í það notað vélflokkað greni frá Skandinavíu. Þeir límtrésbitar sem eru flettir úr stærri bitum, þ.e.a.s. bitar 65 mm að breidd eða minni, eru í styrkleikaflokki GL28c. Framleiðsla á límtré er CE vottuð af Norsk Treteknisk Institut. Timburgæði í límtré eru LS22 og LS15, vélflokkað greni skv. ÍST EN 14081-1:2005.

Í límtrésbita er notað MUF lím, ljóst melaminurealím sem samþykkt er fyrir límtrésburðarvirki, bæði fyrir utan- og innanhúsaðstæður og rakaflokka 1, 2, og 3 samkvæmt EN 301:2013.

Vistvænar byggingar úr límtré

Með vistferilsgreiningum (Life Cycle Assessment) hefur verið sýnt fram á að umhverfisáhrif eru minni við byggingu og rekstur vöruskemmu þar sem notað er límtré í burðarvirki en samsvarandi byggingu þar sem notað er stál eða steypa. T. d voru gróðurhúsaáhrifin u.þ.b 10% hærri fyrir steinsteypubyggingu og u.þ.b. 50% hærri fyrir stálgrindarbyggingu.

SÍMI

412-5350